Polici i Shqipërisë, Aurel Kaziu, u arrestua të martën në Kosovë pasi u kap me një milion euro të padeklaruara në automjetin e tij.

Pas arrestimit, ai u pezullua menjëherë nga detyra.

Sipas Top Channel, polici ishte në detyrë për pak më pak se një vit dhe dyshohet se mund të jetë përdorur nga grupe kriminale për transportimin e parave drejt Shqipërisë.

“I arrestuari është një polic i ri, agjent i krimeve, i fejuar dhe me familje. Dyshohet se është përdorur nga grupet kriminale për transportin e parave,” thuhet në raportin,

Sipas raportimit, Kaziu po udhëtonte nga Serbia drejt Kosovës, dhe pala kosovare kishte marrë informacione që çuan në kontrollin e tij, ku u gjetën paratë.

Rasti vijon të hetohet nga autoritetet për të përcaktuar të gjithë zinxhirin kriminal dhe përfshirjen e policit të arrestuar.

Dogana gjen 1 milion euro të fshehura brenda veturës në Merdare